هيضني الطيـب بطيبـه وغنيـت=صعب المراجل تنلقى عند اهلهـا
الطيب يخضع للرجال المناعيـت=اللـي عزاويهـا تبرهـن عملهـا
نطاحـة القالـة بعـزم وتثابيـت=من حدته سـود الليالـي وصلهـا
مثل ابن غالب طيب الذكروالصيت=طاحوس ابن غالب لامالت عدلهـا
من لابة تكسر خشوم الطواغيـت=في حزة ترهـق ويخلـف ذهلهـا
عقال عراف وسطرهم على بيـت=الا على العاديـن يطغـى جهلهـا
جرد الرقاب سنين ترعابهم هيـت=تشفي عزاويهـا ويـدرا زعلهـا
سوّاد لازعزع وكثرت لصاويـت=وأحيت نواظرها وشانـت زولهـا
وردو على قب المهـار العناتيـت=تكسـر طوابيـر العـدا وتهبلهـا
آل سويدان اللي ليا احتجت والفيت=تبعد هموم اللـي همومـه دبلهـا
يكفيك ترحيب النشاما ليـا جيـت=يبعد اعماس الراس عنـك وتلهـا
تنسى التعب والهم لامن تقهويـت=عند الرجال اللي يشـرف قبلهـا