رعـاك الله يـا نجـم شعاعـه = جذب عيني على بعـد ارتفاعـه
سألتـك يانجـم لا شـع نـورك = على ضيقة زمـن ولا اتساعـه
هنيّـك فـوق خلـق الله عالـي = ولا فوقك سـوا رب الشفاعـه
كريم قادر جـل وتعالـى = أمين صادق بحفـظ الوداعـه
دخيلـك يانـجـم لا تبتليـنـي = دخيلك صد عني لو ساعـه
ترا نـورك يزيـد الطيـن بلـه = خصوصا في زمن ساق إندفاعه
زمـان تغلبـه سـود الليـالـي = ولا له عـن تصرفهـا مناعـه
فعايلهـا يشيـب الـراس منهـا = ولا قـاوم تهجمـهـا دفـاعـه
وانا ادري ماعلي لا شان وقتـي = قنووووع ولا آتجمـل فالقناعـه
تنزهـت وتعلمـت المعيـشـه = آعيش ولا على العيشه طماعـه
مدام البوك عايش فأنت عايـش = وغيـره لاتفـكـر فإنتفـاعـه
ترا ماهي نصيحـه بـس هـذي = حقيقة وقـت مـا ذرا شراعـه
وإلا منك تبـي منـي نصيحـه = كـلام النصـح لابـد استماعـه
مباديهـا علـيـك بطـاعـة الله = ترا طاعة إللاهك خيـر طاعـه
صلاتك ثم كتـاب الله وصومـك = وحج البيـت كانـك فإستطاعـه
وزكاتك والربا يمحـق حلالـك = ويمحق نخبـة العبـد ومتاعـه
ورضا الله من رضا والديك تكفى = ويقطـع رزق ناويـن القطاعـه
نـبـي الله كـمـل بالرسـالـه = ولا يطلـب عليـك إلا إتباعـه
وترا الزله كما سهـم المعـادي = ليامن إنطلـق صعبـا إرجاعـه
واعرف من تخاوي واعتمد لـه = لاشفت الطيب ينبع من ذراعـه
إليامن غبت ايلينه فـي مكانـك = واذا قصر زمانك طـال باعـه
ألومـك يازمـن والعيـب فينـا = يهـان السبـع وتوقـر ضباعـه
صبرت وشمت من جور الليالي = وابو الاطباع ما غيـر اطباعـه
اقولـه والليـالـي سرمـديـه = ولا مـدح الملكـع فاللكـاعـه
اصخرهـا لسامعهـا وتنـقـش = على صدره كما نقـش الطباعـه
وصلاة الله علـى سيد عبـاده = شفيـع لأمتـه يـوم الشفـاعـه