يا هبوب النود ولا ذعاذيـع الشمـال=خبري سـود الليالـي تصـون حقوقهـا
خبريهـا لاتمـادا ولا عنـدي مجـال=وان تمادت جيتها ثـم بتـرت عروقهـا
وخبريهـا مالهافـود فـي كثرالـجـدال=مالتفـت لسلـعـة مايـربـح سوقـهـا
كانها تطمع ترا مالطماعـه راس مـال=وان طمعت اطمع على المرجله وطروقها
الطماعه في وجيه الزحول من الرجـال=والرجـال الطيبـه حالـفً ماابوقـهـا
دام عزي بين جديـن واعمـام وخـوال=فالمراجـل مثـل ليلـى وانامعشوقـهـا
والردى لأهل الردى واضح فيه المثال=غيمة ما يجذب البـدو نـوض بروقهـا
ومن سألني له جوابه على قـد السـؤال=والنفـوس الخايبـه بـين منطوقـهـا
والنهايه حسبي الله على سود الليـال=ان نوت قطع العلاقه قطعـت عروقهـا