يا ليل سامرني تـرا وضعـي خطيـر=والعيـن هلـت دمعهـا دمـع غـزيـر
بالله جاوبـنـي وزودنـــي صـبــر=لا صارت حظوظي علـى فـي وهجيـر
الهـم الاسـود مــا تــداوى علـتـه=والصبـر مفتـاح الفـرج والله يجيـر
مـن أولـى هـمـي يبـاعـد علـتـي=والحين صـار الهـم فـي قلبـي أسيـر
لـو المـدى جملـة حـمـول القافـلـه=كان الحمل يركـى علـى ظهـر البعيـر
ميـر البـلا طعـن السيـوف الموجعـه=من صاحـب غالـي ولـه قـدر كبيـر
يـا صاحبـي مكنتهـا وسـط الحـشـا=ياتي لها في صدري الصامـت هديـر
طعنتنـي وآجعتـنـي مــن طعنـتـك=ويش السبب يا الزير في طعنة جبير
رفعتهـا طمنتهـا مـالـك عــذر=الشـوك عمـره ماظهـر منـه حـريـر
قــد قالـهـا الاول وانــا بقـولـهـا=عيب المدينه صـار فالحـي الصغيـر
واللـي بمالـه يفتخـر بأنـه غـنـي =ونفسـه فقيـره مــا يـعـد الإ فقـيـر
حيـل الله أقـوى يالغصـون المـورقـه=لا هـزك الغربـي يبشرنـي بخـيـر
مـابـه يـديـن الا يــد الله فـوقـهـا=ميـر البـلا يا ليـل تحديـد المصيـر