آتصفح للرسايـل مـا لقيـت الا رسالـه=وآعذابي كان ماجاني من الغالـي رسايـل
شاعرك فالوقت عدّك يا حياتي راس مالـه=وان بخلتي فأعرفي حظه مع الايام مايـل
صاحبك يا صاحبي للحين ما بهـر دلالـه=في رجا ماقلت والله داري ويش انت قايـل
جعل يسقى للتوا حبل السقا فوق المحالـه=لجل تستوفي مدايينك وانا من جاك عايـل
والله ان آجيك لـو تعدهـا جيـت خبالـه=لو بني عمك على دربي يشبـون الفتايـل
جيت بايعها وانا ربعي لهم فالوقت طالـه=فعلهم معروف يوم الهوش من بين القبايـل
وانت وش لك بالتحدي والمعاند والعباله=ريح افـوادك وبادلنـي بزينـات المثايـل
قد وطيت الجمر لعيونك واقول انها سهاله=وكم مره من عنا لاماك عانيـت الهوايـل
آتجمل فيك لكن هقوتي مابـك جمالـه=مابقى من ذكرياتك كود صندوق الرسايل