الحمد لمنزل تبارك مع الفيل = الواحد المعبود منجي دخيله
اللي اهلك الكفار بطيور ابابيل = واهلك نوات العرم بارسال سيله
من عقب ذا طاب السهر والتعاليل = وطابت معه بدع البيوت الجميله
وقمت اتخير في جزيل التماثيل = خذيت جزل القافيه واترك هزيله
مالي على الهزله اسلوم ومداخيل = انا جزيل ونظرتي للجزيله
الحمد لله غردن البلابيل = قامت من الفرحه تجر تعويله
العلم فاق مزيفين التحاليل = ومزيفة الاخبار ويش تحكيله
المركز الثاني خذيناه بالحيل = والمركز الاول نهدد حصيله
ان قاله الله في السنين المقابيل = زحنا عن الاول رجال تجيله
بسود نهار الحفل صف مقابيل = سود البكار المكرمات الجليله
غدالهن في ساحة الحفل تهويل = تقول غيران الجبال الضليله
منعتات ما دخلهن سماليل = غضنا بهن بعض النفوس العليله
نهار فازن كثروا التهاليل = يقرا على الحاسد مضيع دليله
ذالك النهار يطيل بالعمر تطويل = ويزيد باضلاع الفؤاد النحيله
مني لبو زايد سلام وتجليل = سلام يا راعي العلوم الفضيله
فزنا بفوزك يا بعيد المناويل = والفوز فازوبه ارجال القبيله
تستاهل الناموس جيل بعد جيل = افعال مثلك في زمنا قليله
مشكور يا نسل الرجال المشاكيل = ابوك قبلك كاسبن النفيله
وجدانك اللي يدحمون الرجاجيل = بحدب السيوف المرهفات الصقيله
وربعك لهم في قمة المجد = لا طار ستر منسلات الجديله
لا صاح صياك الضحى يا هل الخيل = كل على ما قيل يفتك خيله
عدوهم شاف البلا والبهاديل = من كف كل مجرب يعتزيله
وبيوتهم للضيف دايم مداهيل = يلقى بها المحتاج ما ينعنيله
يلقى بها صفر الدلال المعاميل = لو زود التاجر محاصيل هيله
وكرامةٍ تفعل نهار مع ليل = تتعب زنود الخادم اللي يشيله
هواجر تاقف بوجه الحلاحيل = وتشيل نقلات الحمول الثقيله
وصلاة ربي عد وبل الهماليل = على الرسةل اعداد وبل المخيله