يا الله اني في ذرا عرشك العالي الرفيع=استكن بضل عرشك على طول المدا
من لجا بحماكيا رب يامن ما يضيع=ما يضل الحق عندك ولا ضل الهدا
اسالك يا عالم الغيب يا الحي السميع=يا مجيب الداعي الي تضرع بالندا
تفرج هموم على الصدر لا وردت جميع=تصغر الدنيا بعيني وانا مالي جدا
اتصبر وحتسب عند ربي للصنيع=فارج الشدات ومشتت جمع العدا
اطلب الخالق ولا لي على المخلوق ريع=هو ملاذي لا بعثنا لهول المشهدا
يعلم الله ما طلب العون من كف الوضيع=لو حداني جاير الوقت يمه ما حدا
ما تعب في مشترا الطيبه حتى يبيع=ما خبرنا تايه الرأي قد دل القدا
الردي ما ذكر يوم كسب علم نفيع=الردي ما جاب يكون نبات الردا
يقطع الله عرق بعض الشجر يثمر ضريع=لو بشط النيل تشرب ولينها السدا
دام ما فيها ظلال ولا تطرد صقيع=جعل ياكل عرقها السوس لا منه بدا
اشهد ان حنا بوقت يشيب بالرضيع=اقشر الاوقات شيب بروس المهدا
وقتنا اللي كل الانذال في خيره رتيع=صفت الجنحان بالريش حتى لجردا
اصبحت فيه الشراييص صايدها مريع=والحرار تموت جوع ولا تلقى الغدا
جعل حلال المشاكل يحللها سريع=حتى بعض الناس تركدشوى وتهدا
لين يعرف راعي السيف من راعي الذريع=وبان فرسان المجالس و حكي السرمدا
بان فرسان المجالس هل الفعل الشنيع=بالحكي تذبح وتصلخ شيوخ وعقدا
وفي الختام افضل صلاتي على طه الشفيع=الرسول اللي لنشر الرسالة جندا
البشير اللي بدا بالرسالة في البقيع=جعلنا نحشر معه صايمين وشهدا