عسى جو سمين يعلها رايح الحيا=من المدلهم اللي سرا الليل همالي
عليها ومره الله وانشت مخايله=ومره العزيز الواحد القادر الوالي
تسيل الزباير منه وينقع الوطا=محادير سيله ارث شقوق وهجالي
تغير شهاب الارض وخضر لونها=وتغير نبات الارض بالوان وشكالي
لحيثه مداهيل لبني عمي الذي=لهم في سنام المجد منزل ومدهالي
بني هاجر اللي تكسب الطيب والثنا=جمال الجمول اللي تنوخ للاثقالي
كتب في التواريخ القديمه فعولهم=وعلى طول ذاك الوقت ينقل للاجيالي
كبار البيوت اللي يعين بها العشاء=بعسر السنين اللي بها حف ومحالي
كرام تقدم ما تحوشه لضيفها=جزال العطايا ما بعد مدت هزالي
على الجار غيث ما يعدد فضايله=يبدا على النفس العزيزه بالافضالي
يرقع خماله رقع الاطيار عشها=وومدامه قصير البيت ما يلحقه حالي
وليا زارنا الخايف يقزى ركايبه=جعلناه ينزل بالحجا النايف العالي
وقفنا معه حتى نخلص مطالبه=ونسا الهم واصبح خاطره داله سالي
هل البل اليا منه تبرو رفوقها=وحصل عندها يوم من ايام الاهوالي
يفكونها من طامع جا يريدها=بشلف مضراه على ذبح الابطال
مضاريبها بين السوابع مكنه=ومطاليعها يزعج بها الدم شلالي
بها يرتعون الخوف مازيع نشرهم=وبها يحتمون الجيش ويلحق التالي
بقود الجموع الشيخ شافي وأميرها=أمير وعقيد وشيخ يضربه أمثالي
حكيم يقدي روس ربعه ويفتخر=بفرسانهم لحل به هوش وقتالي
اقوله وانا ربعي لهم في الظفر قسم=ولهم في مقر الطيب مدهل ومنزالي
اهل عزوة يفرح بها الحايتن الهزل=ونطحاتهم تصعب على كل خيالي
رجال آل جدي اللي عزيز جنابهم=هل الطيب والناموس في كل الاحوالي
هل الخيل وهل الجيش والجيد والظفر=وهل ردت لاصار للجيش عزالي
مكاسبنا يضرب بها صادق المثل=من البل معاشير وخلفات وأجهالي
ولا ناخذ الا كل سودا مدلله=خذوها بني عمي على كل مشوالي
وخذينا الذلول اللي طويل خطامها=بيوم يفدي راعيالحال بالمالي
ولو ان راعي المنتدى ما ذكرنا=يوم انه يعد فعول ذربين الافعالي
يعدد رجال ما بعد شيف فعلهم=وينسى هل الردات لا ضبضب الجالي
ولاكن عين الشمس ما هيب خافيه=ونور الحقيقه ما يخفيه عقالي
وصلاتي على المبعوث رحمه الى أمته=شفيعا لها في يوم توزيع الاعمالي
[/poet