البكـار الزقـم .. عيّـت لاتزينهـا الاجلـه=الخسـاره فالقلايـد والخسـاره فالجلالـي!
علمـو راعـي خسـاره لايعديهـا محـلـه=مايقـدم للمزايـن كـون بالسـود الغوالـي!
يوم عاده في محلـه يحسـب ان العلـم فلـه=مادرا ان ضرب العوادي يخلف قروم العيالي!
مادرا ان تـوه بكـار" لبـن هدفـه مستحلـه=مستحلـه للمراكـز لولـه والرقـم غالـي!
مثل (مزيونه) و(مبروكه) لهن طبـع وجبلـه=و(العنيده) و(الجمل) أربع مواتـر بالتوالـي!
كاسبات الشوط بالناموس فـي دقـه وجلـه=وفوزهـا تستاهلونـه ياكريميـن السبـالـي!
امحلفنا في نهـار الهـوش عـدوان المذلـه=وان نصاهم مجرم" مأمون في روس الطوالي!
اكسبـو بمشوكـات" مامضـى كنهـا لهلـه=والسنين التاليه أرخو لهـا خشـم الريالـي!
إعلنيهـا يـا إذاعـه وانشريـهـا يامجـلـه=مايقـدم للمزايـن كـون بالسـود الغوالـي!
مثل مزيونه ومبروكـه لهـن طبـع وجبلـه=والعنيده والجمـل أربـع مواتـر بالتوالـي!