هذي قصيده جابها دافع الطيب=والهاجري واضح فعوله وطيبه
فلاح بن شافي وربعه مخاضيب=محدن على فعله يطول ويجيبه
عينه على العليا يحل المصاعيب=واصغر طفل فيهم يفك النشيبه
ارحب هلا يا صاحبي والف ترحيب=ولا خير باللي ما يقدر صحيبه
جيت امدحك تستاهل المدح يا ذيب=لا قلت اخو ناصر تحل الصعيبه
رباك ابوك اللي يفك المناشيب=وفعولكم ماهي علينا غريبه
جدك صليب الراي ما يعرف العيب=ما قدر خبرنا شافوا الناس عيبه
وخوالك ال السيد طيب وتراحيب=وقبيلتك عز الرجال العريبه
يا سعد عين الضيف وانتو معازيب=ما ضاق من هم الزمان ومشيبه
اقبل جوابي وافهمه بالمكاتيب= قصيدتي لجل الرجال القريبه
كتبتها مالي وراها مكاسيب=لكن محبتكم بصدري كسيبه
تستاهلون المدح والعلم والطيب=ولا خير باللي ما يقدر صحيبه