ياوالله اللي بان في لحيتي شيب=وانشهـد انـي عـارف وش سببهـا
ماقومها الاشوف ناس اجانيب=والوقت ما يـاتيلهـا فـي طلبهـا
سافرت من ربعي ولا في السفر عيب=العيب في الى سيرته ماركبها
انشد بني عمي ولافيه تكذيب=ولاخيـر فـي نفـس تضيـع حسبهـا
لاجاوني يلقون حيل وترحيب =وخاطي ردوم مربح اللـي جلبهـا
لعيون ربع دونهم يقنب الذيب =هواجر ساس العـرب مـن نسبهـا
لاقيل من هم قلت ربع مخاضيب =هل سربه كل شكا مـن عطبهـا
واختص عبد الله وبلغ تريحيـب =صمعـان خـلا كلمتـي ماكتبهـا
المرجله ياللي تبيها بتر تيب =وماكل مـن رام المراجـل قضبهـا
يا لابتي ذيك المنايـا مراقيـب =لاجنبتنـي يـوم يلحـق طلبهـا
من دون ابن كمبش قطعت المطاليب =ناطحت حكام كبيـر غضبهـا
ومشيت في درب ورى الشرع وصعيب=والله دفع نفس وحنا سببها
حطيت علي طويل العراقيب =وخليت ضو القـوم تأكـل حطبهـا