بديت باسم اللي كفانـا كـل شـر=كل الملا ترقد وعينـه مـا تنـام
يا راكبٍ من فـوق نابيـة الظهـر=عدا بدايـد كورهـا نبـي السنـام
تشدي لهيـق ذار مخطيـه القهـر=زينٍ وصايفها مـع جـول النعـام
ملفاك شاعر لابة صاحـب نظـر=شوق الهنوف اللي يـدور لليمـام
بينه وبين الشيخ شوحـات وعـر=فكم كسر دونه من صليبات العظام
دونه بني هاجر مصاليـة الخطـر=حريبهم ما ارتـاح قلبـه بالمنـام
مثل الجبال اللي مراقبهـا وعـر=والا هديب الشام لمـن قـام قـام
قريبنا يامن بنـا مـن كـل شـر=في ضفنا يهمل ويرمـي بالخطـام
من دون ابو تركي رمينـا بالغتـر=يوم استعان ابنا على صبيـان يـام
عقب صبيٍ غاب عنـا ماحضـر=الا بعيـد الـدار مـنـا مـايـلام
يابنت يا للي خدهـا مثـل القمـر=بالزين تشدي مثل بدرا في ظـلام
غرٍ يحط الصوغ الاحمر في النحر=ويكيف المبسـم بدقـات الوشـام
لاتعشقيـن الا مصاليـة الخطـر=جلابة للروح في سـوق المسـام
يوم الفشق من بيننا مثـل الزهـر=متخالفٍ في قاعة البـرج الهـدام
تمت وصلينا علـى سيـد البشـر=اعداد مزنٍ لاتهلهـل مـن غمـام