يا الله يا المطلوب يا رب يعقوب = اللي تجيب وتستمع كل طلاب
قم يانديبي وارتحل كور مرعوب = وقم السديس وتوماشق له ناب
بشداد وقشار على المتن مكروب = وخزام وخطام وراعيه ركاب
شبر فقاره غاربه تقل مجذوب = يشدي كما سيف امسويه خشاب
الزور ما يرث على العضد شاذوب = امربع صدره كما فتحه الباب
طلق الذراع وعدل ساق وعرقوب = ما دارج الرقاع خفه ابمجذاب
كنه الى انحابك معايات لهبوب = فردكفخ في هامته ريح معطاب
ثم غبشه من قبل ياتيك لاهوب= مر المقير وانشحه عقب لتعاب
وروح وخل النضو يمشي على الدوب = ملفاك عند اللي ايهلي برحاب
منصاك شيخ يجعل الشره ما دوب = ابو فهد نور الوطن غوج الاطلاب
الشيخ قاسم زبن من جاه مكروب = فرز الوغي ليمن هباكل هياب
نجم العفاريت الفراعين مكتوب = مفراص دولاب وللحرب دولاب
حصن لنا عن سو الايام منصوب = وحن سيفه اللي مايبقى بالارقاب
وهودرعنا الظافي الى مسنا الدوب = سور لنا عنجور الايام واحجاب
اربط ولا تدرا غضب كل مذهوب = حنا خزنتك لابار بك كل من عاب
نفوز بفعالك الى نلت مطلوب = ولفعالنا تفرح ولو كن غياب
ياما خلطنا المر والسم مذيوب = نسقيه طلاب الخطايا ولنشاب
حنا وقود الحرب إلى عاد مشبوب = بيمانا نفري شنيعات لصواب
بيمانا كم نادر طاح مقلوب = بمصقلات كنها وصف لطناب
اللي نصيبه ما يقولون مصيوب = ليمن تعافا خبث به كل ما طاب
ياما صفق بيديه خطوات رعبوب = من فقدها الغالي تبعط بلسلاب
والطامح اللي كنها الشاخ مصبوب = تكره إلى جاها وتفرح إلى غاب
نطلق نشبها يوم ياتيك مجلوب = حادية جلاب المنايا والاسباب
يا الله مالي غيرك اليوم مطلوب = يا ماحي سيات عبده الىتاب
العفو الى حطيت في القبر مصلوب = معاد يزداد العمل كود بحساب
يا ملحق يوسف على شوف يعقوب = والقى العصا موسى لفرعونهم داب
ضمت صنايعهم وما كان مطبوب = حل الرعب فيهم وقروا لما صاب
وصلاة ربي عد ما خط مكتوب = على النبي المختار والال واصحاب