البارحة في الليل خيلت بأرق = برقة من يمين أليمة بدا بظهور
يسفر في مــزابيره نوه = برقة في مقدم خيالة غدا له بنور
ركود وفاصل في ربابه منشاه = غربي والمسيحر حدور
جعله على الصمان ينثر مخايله = تصبح فياضه مثل وصف بحور
ويسيل روض صوب روض ثاني = يجي له من بين الفياض حفور
حدر على الوادي وسيل مدامثه = ثم أظهر اللي ساكن بجحور
وضفا على السوده بسيل جارح = ومنها يحدر صوب خشم الزور
واجنب جنوب وتنثر الماء مخايله = على فقار الحبل سيله جور
جعله على عد تقصف رعوده = غريبة عدا يسمى أبا القاح الخور
وشرق وجنوب ذاري = منه الزباير روسها مدمور
يعم كل الحبل ويشمل جوانبـه = عليه من عند الولي مأمور
حيثه لطرعات البكار مشاهي = مرتع حنازيب كبار ظهور
كبار الشمايل معطيت من حليبها = يعيش فيها إناثي وذكور
البل مربية العرب من رباها = حتى ولو كان السنين عسور
تنقلهم من دار لدار ثانية = أيضاء وتعطيهم من الميسور
ما شوة فيها كلاها وماها = تمشي بأهلها وسط غب بحور
البل سفن البر وقول ذلك = هرج صحيح ولا عليه قصور
البل عسى ربي يزين سنينها = عسى وطنها دائما معمور
البل عطايا من الولي شمخ الذرا = اللي اسمها قبل السما مذكور
البل يوصفها ذياب بن غانم = الفارس اللي في اللقا مشهور
وصف البل مثل مدن مقيمه = مدن يبنا من وراها سور
أن تصدر من ثمين التجارة = في طاعة الوامر على المأمور
قول بن غانم بيوت عجيبه = يطرب لها السامع بزود بشور
هيضت واللي هاضني نوض بارق = على طول ليل العابدين سمور
طاح الحيا والقاع ذعذع نباته = جدد لباسه وكتساه زهور
زين نباته عقب دفاق سيله = وعليه من شمس النهار افتور
العد كانوا له هلن قاطنينه = مقطانهم فوقه ثلاث شهور
خابروا بالعلم من صوب الحيا = في مجلس كل الرجال حضور
فحققوا منه بقول المعالم = وتراودو من بينهم بالشور
جاهم من علوم الحياة اللي يسرهم = وأمسوا بليلتهم فرح وسرور
تراودوا بالشور والرأي بينهم = وأمسوا وتالي رأيهم مقصور
والصبح طون البيت العفايف = الزمل قرب واجلع المظهور
شدوا وخلوا العد قفر جوانبه = عليه من ذاري الهبايب دور
عليه طير الجو يكسب جناحه = خالي وهو كان أول مأثور
أصبح وطنهم من ونسهم خالي = من عاد فيه إلا وزير طيور
شدوا عسى ربي يزين انواهم = يبغون قاع بالوسم ممطور
يا الله من نياتهم لا تعوقهم = عسى لهم درب السعد موفور
بدوا جذب نياتهم جاذب الحيا = تقافو يبون أرض حياة بكور
حلو بقاع مزهرن به نباته = في خايع منه الرعات قفور
تسابقوا في شبت الضوء بينهم = كل أبلج بالمرجلة مسطور
تصاوتو من بينهم بالكرامة = من بينهم يا مزين التسيور
جكعت بني عم وربع قرابة = أيضاء ولا من بينهم قاشور
يا ما حلا من بينهم صوت داعي = ببيوتهم تسمع دنين بجور
كل على جاره يسير ويهدي = قوله سلام وعقبها ماجور
هذه طرأت الروح من قبل موته = فإن العمار أجالها مقصور
قلته وأنا من لابتن صيرميه = بني هاجر اللي فعلهم مذكور
بني هاجر مقباس ضوء الحريبة = لارد من صوب الحفيف نذور
بني هاجر سقم الحريب المعادي = نرث على كبد العدو امرور
حريبنا نسقيه من كاس علقم = دايم وهو من ضدنا مقهور
انسوق له جمع تزافا ردوفه = نجعل به العظم الصليب كسور
بني هاجر لاجا النذر من قبيله = نعطيه مردود النذر بنذور
ترعى بنا علط الرقاب وتهتني = في مرتع لم الحوار عطور
نرعى بها قفر جديد نباته = في ضفنا تقطف جناه الخور
نرعى بها القفر المطرف وتأمن = لا صار من صوب العدو مخطور
يرعاه طرش وأمن في ضفنا = طرش يبيه من وراه سبور
قطعانا من يمت الخوف تأمن = لا صار من صوب العدو مخطور
تأمن بكل مجرب فوق سابق = من إيمانهم دم العدا منثور
يا ما ذبحنا عندها من فارس = طمع بخير وجا عليه دبور
وياما خذينا عندها من قلاعه = خيالها حامت عليه نسور
هاذي فعايلنا وهاذي علومنا = لا صرت يا جاهل بها مغرور
والناس كل دون حقه قصاوي = مثل الجبال اللي رست بصخور
أنا بديت أقول والله يعني = على الكلام الذرب والستور
هذه تماثيل تمثلت فيها = وأنا على مثالها مجبور
أبيات شعر في الضمير بنيتها = مثايلي وأنا بها فخور
يا سامعين القول صلوا على النبي = وقولوا لراعي ذا المثل مشكور