يا اله تحفظ من لهم حق ملزوم = فهد وزايد حايشين القرامه
بقلوبنا حب الأجاويد مرسوم = حنا الفدا لهل الصخا والشهامه
منهم ثرنا صار مثمر وماسوم = عسى لهم في كل خطوة سلامة
الشائبين أبهم سعد كل مظلوم = بلسم على الشعبين والأقصى خزامه
كلمة وفاء عند الهواجر على الدوم = للي بغرب وشرق حنا حزامه
من عارض الفرسان ما هوب مليوم = كشف الغموض اليوم عالي مقامه
والمجد يبنونه سلاطين وقروم = وانحمد الله شيخنا في سنامه
يا والله اللي يا بن مذكر لكم قوم = قومك ترى لطم المعادي غرامه
لا ترفع أيدك جاكم إلاف شغموم = الشيخ يأمر والهواجر حسامه
حلوين وأحلى من قراح عقب صوم = وامر واعظم من صواعق غمامه
راعي الكذب من رحمه الله محروم = وسمه ورسمه في بعضهم علامه
الحقد في قلوب الردين معلوم = ضاعت حيلهم بالسفر والظلامه
ما هوب غاترنا علوم لهم دوم = الحر شاهر ما ادركته النعامه
صلاة ربي عد لمبات ونجوم = على نبي قدوة في كلامه