له في خلقه شئون وعبرات = سبحانه الي بيده الزين والشين
تأخذني أفكاري تجوب المسافات = في عالم تختل فيه الموازين
في عالم كله أسرار وعجوبات = متقلب الأوضاع من حين الحين
ناس مثل ما قيل بليارديرات = وناس على ظهر البسيطة بسيطين
احد رصيده ينحسب بالريالات = واحد رصيده ضارب الملايين
واحد يعمر له قصور وعقارات = واحد يعيش بكوخ مبني من الطين
واحد يدور بس وين المسرات = خالي مواجع داله القلب والعين
واحد على ظلم المقادير يقتات = ترمي به ايامه على شاطي البين
وكم غني لو يملك الكون ثروات = لو تعصره مادركت حتى ريالين
وكم طيب لو مامعه قوت مبيات = تلقاه لو يدفق حيا وجهه الدين
واشيا كثيرة ما تسعها سجلات = كم فالدفاتر من غريب العناوين
يانفسي اللي تكضم الغيظ بسكات = يا جرحي اللي ما تضمه ميادين
والصدق مات اللي خلي والغني مات = ياتايه الخطوات مابين الاثنين
من يبلغ الطاعة مع شيمة الذات = هن والقناعة كنز مثل الملايين