لفاني سلام من حريب يودني = ورحبت به وأكثرت رحبا و سهالي
ورحبت بالمندوب من حيث مالفا = من حيث ماجاني بارخص له الغالي
غير هيا ودنولي من الشيب فاطر = تقضي لي العازات وتوسع البالي
مامونه من رعي الزهر طال نيها = من كثر ماترعا ورق خايع سالي
مع الجو تدوي بك مريف خبيثها مع = الجو تمرس كنه مراس محالى
تشادي كما سبع توحش به القوا = توحش مع الفرجة مع فنتق خالي
أو تشدي كما ربدا مع الجو ظللت = شافت احذا دحوا لها زايل زالي
لا سمعت اللعاب قامت تخارزه مثل = الطموح اللي تخارز هوى البالي
عليها دليل الهرج من غير هذره = يودي مراسيلي و يعطيني أرسالي
معه من النظوم ما حتب خاطرى = مالي و مال سواي ما بغيه لي مالي
هيا ويامرسول وأحذر من البطا = لا جيت منهو في القسا يرخص الغالي
تلفي لنا زين المقاصر راشد = زبن الحود وزبن من هو جثا تالي
تراك لا جيته بتلقا اناسه = وبتلقا شحم حيل ورحب وسهالي
وبن يسوا في دلال نظايف = يشرا لها لا رخص وإلا غدا غالي
ولا يباخها و يعطي وقارها = الزعفران و طبقة الهيل بريالي
سلم عليه و بلغه بالتحية = سلام منى على ذرب إلا فعالي
سشلام من حرفاش لبن عفيشه = سلام أحلى من لبن در لجهالي
سلام أحلا من لبن كل مصغر = تبكر لها الوسمي و ميلادها تالي
وأحلا من بن إلى وافق الخوا = او عافية مستاذي رد به حالي
وقله حن ربعه آل محمد خزنة الطفر = اهل المدح و الناموس و الموقف العالي
با الله و بامر الله إلى سار جمعنا = هوا من ولي العرش حظ لنا عالي
وإلى جات فناد الجموع و تصاقلت = وجا عندها فناد جد و عزالي
إى جمعنا القاط على كل هيه = كما جمع ترك صاح بالزمر و شتالي
الشيخ نرمي به وحنا منيته = وحنا قصر اجله بقصاف إلا جالي
يا كم ذبحنا حاكم يضرب رشمه = له بكبار الروس شلالة انعالي
حتى الشريف بن لوى ذاق حربنا = يوم اعتشقنا بالحرب فزالي
منوقع زيزوم النضا حر العدى = فهم زبون الجاليات و الذالي
وترى حنا او حيت منه كلمة ماعتمدتها = تصيقهت لاسمعها ولا عطي لها بالي
واصب على ذي مثل صبري لغيرها = وأنا من خطاياه الثقيلات حمالي
دليل و عراف و عمس إلى اشتها = وبعض ما يكن يصير و هو فيه زلالي

راشد اللقماني