يا ركب وجنى من الهجن خيره = ما فوقها إلا شدادها والروايا
ركابها اللي ما يتيه المسيره = وأدل من رباب بيض الحضايا
تشدي القايد جمله مستديره = لا حققت بالعين زول التقايا
أمن البحث تنشر احلول السفيرة = والعصر في هجر حسين القرايا
ملفاك اخو شفيا حمى كل ديره = يا عيد اهل هجن لفوا بالحجايا
سعد لربعه في الليالي العسيرة = يا دامح زلاتهم والخطايا
وسيفه نهار الهوش حارب جفيره = ومن وقع سيفه يحشمون اللجايا
قل له لفان من الاحفة مغيره = وهج الهجيج وفرعن الصبايا
ساعة لحقنا محتسين الذخيرة = وردن بنا حوض المنايا السبايا
رديت غوجي دورتن لستيره = غمن للحساد والوجوه الدنايا
وخذيت العويمر شوق ضافي الجديله = عليه يام كلبوهم طنايا
شيخنا يقدم قبل فعله نذيره = ضاري بخزاز لبكار الخلايا
كله عنا الهدلا السهاف النضيره = اللي علشانها نقلنا الجنايا

راشد اللقماني