ياهيه وش باقي على الدرب قل لي=ان كان لدروب الخطايا مسافات
انا تعبت آقف بدربك واهّلي=وابرح الجرحك في خفوقي مساحات
عذبت في شمسك مساريب ظلي=تقفي بي آهات وتقبل بي آهات
وش ياخذه مني غلاك ويخلي=لبطيت واسرج للمحاذير فزعات
ارواك شوق وفايض الشوق كلي=واضماك شوف وبارق الوصل ومضات
وقد قلت لك من ذيك الايام من لي=لقفيت وآمال الملاقا متاهات
يانور صبح لاتبين يجلي=عتيم ليل خالجه سهر وسكات
البارحه دار الغرايب محلي=بطرافها خطيت حرف المعانات
اكتب وحال الجرح منك يملي=انآمل تعزف على الحرف ونات
وياهيه منك وش بقا ماحصلي=عزاه كاني اللي بقا مثل مافات

راشد اللقماني