ترجيتك وعود لين غاب من الغرام احلاه=وتماديتك حنين لين مل الصبر وجداني
تماديتك دروب للعنا في جوفها منحاه=وعاندت الحقيقه فيك لين الوقت صحاني
خذاني كل جد في غرامك ماحسبت اقصاه=يفوت اليوم الاول وترجا يومي الثاني
كذا عشتك زمان اتبع هواء قلب يسوق أخطاه=على كف الشقا ينهيني بدمعه ويبداني
تلبسني غرامك لاسقا يوم لبست أرداه=تلبسني وجود مع سمار الليل يشعاني
وجود كل ماهب الهواء والليل تل أتلاه=يسامرني ويكتبني لجل عينك ويقراني
أحبك والله اني كنت احبك والله والله=أودك والله أن ودك بذاك الوقت قزاني
زمان الله لا يثري زمان فات وش سواه=بقلب تشحذه لشوق منك خرس الاعياني
حبيبي عام الاول ليه جيت اليوم واعزاه=بعد جفت مواريد الغرام وماتت اشجاني
تباطيتك وصال ومل قلبي ونبرآ لحماه=بعزم للجفا يشربني ال هجرك ويضماني
وبمان الله غادر خاطري ضاقت عليه أرجآه=دخيلك غيب عن عين ألصخط لاتجرح الساني
وليا قفيت خذ علم اليقين من اوله لتلاه=نسيتك ونت من صالحك بعد اليوم تنساني

راشد اللقماني