توقع ياخفيف الظل لا تومي بك الفزات =رياح الوقت لاتعصف بجنحانك وتبليها
تراها ريشتين في جناحينك لها لمعات=لياطاحت عيونك من رمدها من يداويها
وتراها يا محصلها اليا طافت رجاها فات=تبعدها صروف الدهرلين ايديك تخطيها
كذا الايام ماتمدي اليامن ادبرة عجلات=ليا غاب السعد نفس الشقا معاد يمديها
وعلى متن الهوا لا تشعب الرجلين والنيات=ولا تومي بركب مع هوا نفسك مقزيها
ولا تلعب مع الوقت الزهوف ابجامح الهقوات=زهوف الوقت لا يلطم طرف عينك ويعميها
ولا يا شيب عينك لصبحن الك الضعون شتات=وطاحت بك عضود ماتثلب كف راجيها
بعدها يامهدفها عليك من الهون غارات=محاصيل البذور اللي زرعت العام تجنيها
كذا ولا كذا مايعتلي من طاول الميلات=قدم رجلة اليا ناضت محاورها توطيها
كذا ولا كذا مستر ساعة مدرج الحيلات=على راسة كفوف من مطاليعة محنيها
كذا ولا كذا ماعن للجزلة خبيث الذات=ولا ساقه هواها لين شرف في مباديها
كذا ولا كذا ما فلح رفيق العوج والفات=يخادع نفسة المخدوع فيها لين ينهيها
حقيقة يصطفق للهينة من صاحب الهفوات=يخثع بة شغفها لين يبرك في محانيها
وحقيقة ما يطيب الفال للمنحي مع الزلات=علوم ما تنومس مع هل الطولات راعيها
يطيب الفال للى يحتجب عن كاوي الشرهات=ونفسة عن شره لجواد ساترها ومذريها
ويطيب الفال لنادر حليف الطيب والشيمات=حليف لبلج الشيمة رضى عينة ملافيها
عديم للمكارم يشحذ الصامل من الهمات=لياعود يدور للهزيلة من يضويها
الا للة درة لنتخا به موجب الفزعات=خذاة من السطر ما ساق رجلة لين يحفيها
خذاة من السطر ماعلقة بمناطح الشدات=ودرهم للوفاء نفس على الكايد مضريها
شفوق للجميلة يسبر الطيب من العادات=مشاويح الرجال النادرة عينة تراعيها
طليق حجاج في وجهة يبين لسعد شارات=تباشير السعد تضفي على وجهة مساعيها
وكذا ولا بلاش من الرجال مشابهت لموات=هتول جعل رب الكون يمسحها ويخفيها

راشد اللقماني