عين يلي دمعها من صلفها يذرب حشوده = ما تنام الليل كله والحشا زاد اشتعاله
قلت يا عين الخطاء منتي على السهر محدوده = اتبعي درب القدابي وتركي عنكي الجهاله
قالت اني كان اطيعك وسهر مزيد أعوده = غير قلبك هو سبب ما صار كله بي العماله
قلت يا قلبي قظيت أصبر والحقته حدوده = اليا قضاء هما قديما جبت لي هما بداله
خل عرو الناس يمشي والجمل تلحق بدوده = لو تقدم بالنصيحة ما حدا لقاك باله
لونصحت الناس كان شفت الخبل يظهر لك صدوده = جنب المبدول يا قلب الخطا مالك وماله
يستحي ولد الحموله لا ذكر ماضي جدوده = والمراجل ما تهيا بالتمني والبطاله
كل رجلا يريد المرجلة يثبت وجوده = من عرف مقدار نفسه ما تخسر راس ماله
والفخر في طاعة الله قبل ما تحفر لحوده = واتباع المصطفى إلى خصه الله بالرساله
المراجل ما كسبها كود من يحضر اشهوده = يشهد الفعل الجميل لصاحبه حزت مجاله
رغم ما عارض عدوه وعترض عرضه حسوده = يرتكي دونه رجال يستدلون بفعاله
والعرب فيهم معادن يعرف الجيد بجوده = بيناتن طرقهم للي يعرفون الشكاله
يوم أقوله خابرا ضوء الحطب من قد عوده = ما جملت الناس كل شوفته من قد حاله
يا سعود أفهم كلامي دام حبك في بنوده = احتفض في طاعة الله والشهامه والجزاله
وابن عمك لا تحسه وافرح ان بيتك يروده = لا توريه الجفاء لمن لفاء ينساح باله
وانت ياماضي ترى عوق الرشاء كثرت اعقوده = جاوب جاوب اللي ينشدونك ونجنب لاتساله
المراجل كايده والرجل يقدح من زنوده = يغلب الطبع التطبع ما تفيد به العذاله
ومن تعرض للرجال يلطمونه في خدوده = وراعي المرعوف عند الناس يجزونه بداله

راشد اللقماني