نفسي عزيزة ما تحب الدنافيس = ولا عرفت امشي بكذب وحيله
اعزها معزة مالها قيس = وهي بعدماهيب ترضى الفشيله
اعزاز الأنفس في زمانك مفاليس = والدين حملهم حمولن ثقيله
والفقر ياخذ له عليهم مراويس = واتعين الشحاذ يومي شليله
اهل الفعول المبطيات المراميس = تلدهم لو كان مالك دليله
محرقين بنهم في المحاميس = وبيوتهم مثل الجبال الظليله
اللي شرفهم في العرب ما بعد ديس = تعرف معزتهم رجال القبيله
واليوم بذونا الخبول الدلابيس = اللي منول ما تعرف الجميله
هذا يبي ختم وهذا يبي فيس = وهذايبي عمده وهذا زميله
اللي يحبون الحيل والبلاليس = في ذا الزمان لهم ايدين طويله
يجمعون اكذابهم في القراطيس = ويكلفون الخلق بأية وسليه
اذهن من الغربان واشطن من إبليس = وأروغ من اللي لا مشى جر ذيله

راشد اللقماني