يقول اللي قضى ليله مساري والعباد رقود = على جال المجالي وانجلى له جوف جاليها
قرى ما ينقرى له والقرى يقرى بست ابنود = غريبه در سعي ريحان وابجد ما يجي فيها
قرى بكتاب للكتاب ما يقرى بغير إشهود = تثبت بالمواقف والجمل بأول معانيها
لقابه ناس تبذر بالفضاء والزرع جاه الدود = و ملاك المزارع كل موسم لزم يجنيها
حصاده وافر و الناس لجله تبذل المجهود = تبي كسب المغانم والمغانم مات راعيها
ولقابه ديك عالي فوق رجم من قصب مرجود = تخضع له جميع الصيد جملةٍ في مفاليها
وقرابه عن فتاةٍ من عرب كيفه أبوها عود = تصيح الذيب ياهل الطيب والناموس موذيها
قبيلتها غنيه بالمشبب والملح والبارود = ولكن لو تصيح إسنين ما ظنيت توحيها
وغيره من علوم الوقت شياً يربك النمرود = يشيِّب بالقلوب اللي ردياتٍ هقاويها
ولكن حاصل المحصول هبي يا رياح النود = على اللي تأكل المحصول ما تلقى مواطيها
يراقبها المراقب والخطأ هو القدا موجود = تميزه العقول اللي جماجمها تغطيها
نجوم الليل و إن غابت عن اعيون البشر يا حمود = تراها ثابته والنور يخفيها ويبديها

راشد اللقماني