بدينا بذكر الواحد العالي الرحماني = شفيع أمته من موقف الحشر ينجيها
يقول الهويدي هاض صدره من القيفان = بيوت يرتبها على أحسن معانيها
وأنا قد حكمت القاف خوفها من النقصان = بيوت الوفا ما كل رجلا يسويها
تهيض فؤادي يوم مريت خشم العان = وشفت الخيام مشيدات مبانيها
رأيت الخيام مشيدات من الصيوان = بليتاتها اللي يجلب النور ساريها
عسى الله يحفظ أميرنا اللي بفعله بأن = أبو شافي اللي للصعيبات يقضيها
أبو شافي اللي يكرم الجار والضيفان = وبيته مراد للرفاقه وعانيها
سعى بالمراجل لين حقق لنا اللي كان = مراتب شرف يستاهل العز راعيها
أميرا أمارته لها ماضيات أزمان = خذها بحد السيف ماهوب شاريها

راشد اللقماني