ياسعود باوصيك يالمنعور يالغالى = واذكـــر وصاتى ايلا كبرت مصايبـــها
ياسعود ساسك كريم ومنزلك عالى = ومعنزن من خوال الطيب مكسبها
باوصيك فى فرض ربك اول وتالى = لاجل الشفاعه ايلا رفعت مكاتبـــــها
باوصيك فى والديك بطيب الاعمالى= تاصل بهم والقطاعــــه لاتقربــــها
واتعب على الطيب لوبه قصف الاجالى=وارق المعالى وشرف في مراقبها
واعلم ترى فالليالى علقم وحالى= يومن تبسم ويومن فى مخالبــــــــها
واعلم ترى فالرجال انواع واشكالى= مثل الاصابع تخالف فى مراتبـــــها
فيهم هذورن يحب القيل والقالى= ويفرح ايلا ولعت فيها شبايبـــــــــــــها
وفيهم عجوزن وزوله زول رجالى= ماهــــــمه الا دنانـــيره يحسبـــــــها
وفيهم سنافى كريمن يرخص المالى= يقضى لزومك ايلا حلــت نوايبـــها
والضيف لاجاه فى رحبن وسهالى= يذبح له الحــــيل لوغليت جلايبـــــها
والجار ياسعود لاترضى له اذلالى= قدددره وافزع معه لاجا نشايبــــــــها
وادعه على كرمتك لاتجعله تالى= وان جاك داعيه للكـــرمه فوجبـــــها
ولاتقفله مجلسك فى كل الاحوالى= خله مشرع ولو شحت سحايبــــها
خله لمن يكسبون الطيب مدهالى= ولاخير فى جلستن يغيب طيبــــها
واياك تجلس مع الخمه والانذالى= النفس عن دربهم ياسعود جنبــــــها
لاكثر مالك عزيز وعندهم غالى= وان قل مالك تواروا مع هبايبـــــــــــها
واياك تسمع بربعك شور عذالى= واياك تسكت على رجلن يعـــــــي بها
رجلن بلا ربع مايسواله ريالى= ربعك احزامــــك ايلا ثارت طلايبــــــــــها
ياسعود هذى وصاتى وسط مرسالى= واذكر وصاتى ايلا كبرت مصايبها

منقولة من موقع بني هاجر http://www.alhajere.net بقلم الكاتب / الكايد


راشد اللقماني