بعض الحروف اتطابق ماعليها خلاف = لكن مضمونها ماهوب مضمونها
اسم شبع وارتوى واسم ذبحه الجفاف = متشابهه في نظر كل اللي يقرونها
البحر غبه غزيره والسواحل ضفاف =وبنت الشيوخ السيوف الحدب بتصونها
من غاب وقت الثقيله لايجي في الخفاف = ومن هاب ركب الأصيله لايجي دونها
والمسلم اللي في بيت الله صلى وطاف = لا يامنونه كثير الناس ويخونها
ياوقت اخذ من لساني اليوم صك اعتراف = أشجارنا مااثمر الهرشان في غصونها
لو ان على المرجله والطيب فيهم شعاف = وكفوفهم للظفر دايم يمدونها
لكن في عروقهم وعروقنا اختلاف = ونوضح لهم مصادرنا وينفونها
والحق بين ولو يستنكروه الضعاف = والشمس تظهر ولا قدروا يغبونها
والعالم اللي تناصف مدهم هاف هاف = الله يخيب مساعيهم بيلقونها
شهادة الزور ماحلف عليها النظاف = ولا يودونها ولا يجيبونها
الشق ما يصلحه وزن ومعاني وقاف = يرفاه ناس تعض الحق بسنونها

راشد اللقماني