بديت باسم اللي عليم بالأسرار = اللي عباده له سجود وركاع
لا والم المعنى وهاجن الأفكار = الامثال تاتي لي على عدة انواع
تسمعوا يلي تعرقون الاشعار = قيل دليل ما يجي في خواع
ارتبه باسلوم واوزنه بعيار = وادخله للمختبر قبل ينذاع
لا جيت يا ناصر بتوصل هل الدار = اسلم وبلغ بالسلام
بالله هيد لي من الوقت مقدار = برسل معك قيل يمتعك متاع
خليل كساب الثنا وافي الاشبار = اللي مع فعله جسور وبتاع
عز الله انه من بعيدين الانظار = رجل يعسف المجد والمجد له طاع
الى الياجات المواجيب خسار = رجل الى ضاعوا هل العرف ما ضاع
ومع ذا اليامنه لفي البيت خطار = ياتيك مبتهلا لوجهه تشعشاع
ياما ذبح حيل وكبوش وحوار = يروي شحمها ناشف الخد لاماع
ويعطي ومداته بهيضات وكبار = وهيلع والياجات المواجيب هلاع
ويعطي ومداته بهيضات وكبار = وهيلع والياجات المواجيب هلاع
هذا وله بالعرف ورد ومصدار = ومواقفه ما ناشها قاصر الباع
حرا شهر بين الثريا والاضوار = هام الخضيرا في السما وافرع وفراع
العام الأول يوم هو هام ما حار = وعلمه يقول ان كل قاع لنا قاع
يومه خذى رايه ولا طاع من شار = هذا علوم اللي من الهون جزاع
ما كل من غاص البحر جاب محار = ولا كل من يبغي الطمع جاب الاطماع
وخليل نال الغانمه سر وجهار = زيزوم ربع للعداء توجع اوجاع
لابه شهاوين لهم علم واخبار = حريبهم منهم على الذكر يرتاع
بالفعل يسقون العداء كاس الامرار = ولا حميت الهيجاء يسوون الافناع
ربع تعز النفس وتقدر الجار = وعند الشدايد تكرم الضيف باسراع
وخليل له في نية الخير معبار = وبالفعل نظراته مديات ووساع
يابعد نظراته وفعله لنا كار = ومع الشهامه فاهم كل الاوضاع
وترى العلوم ابها طويلات واقصار = ويحبني للي يعرفون الاسناع
من بعض نباته وردع كل الاشرار = بادر وصار بنيته الخير فراع
اصلح رفاقتنا ومن بينهم سار = بوجهه وجاهه صار للشر دفاع
هذي ذكرناها ومن قبلها امرار = من دون ابن معجب شرى الصلح ما باع
بجاهه وجي تلفت فيه الانظار = ومن كل له بالمد يوفي له الصاع
ومنها ابن طشال شد له بما صار = قال أن خليل من بعيدين الارماع
نوب يجي حلو ونوب يجي قار = زين مع الصاحب وللضد خداع
رجل يعين عند زوغات الابصار = ملاذ ملهوف من الوقت منصاع
مواقفه ما ناشاها ميت النار = خطواة مفلول لوجهه تقطاع
لا جيت يمه خوع يمين ويسار = لا يقضي اللازم وللهرج لتاع
اليا بغيته قام يجمع لك اعذار = هذا وله من نية الخير مناع
والاول يقول أنه موكر الطيب ما بار = وصح السباع عيالها تاتي سباع
وخليل من صدف الدهر جعله مجار = وليت الصبا للعود يشرى وينباع
عز الله انه لا يحصل بالاسعار = الشاهد الله لا تبرع تبراع
بنشريه لو انه يحصل بمليار = واليا جمعت اله الثمن جيت فزاع
نبغيه ذخر عند دوزرات الادوار = الناي وللي حولنا متن وذراع
اللي خذي في ضمة المجد مشوار = ومن رؤوس ربع في اللقاء ذكرهم شاع
ناصر ومنصور لهم فعل واذكار = ومركاضهم يشبع به الذيب لا جاع
وخليل راع الحوض قصاف الاعمار = اللي تجري وانجز الخصم في ساع
مرحوم يلي للقبيلة خذي الثار = جاب الوسيك ورجع الحق رجاع
ربع إلى منه استوى الموسم الحار = هذي طبايعهم وياحلو الاطباع
علومهم تشهد لها كل الامدار = والراية البيضاء لهم رزة شراع
وتمت بذكر الى ينشي بالأمطار = محمد اللي له هل الحق تباع

راشد اللقماني