بجاد لأمن رحت سلم علـى حمـود=لأمن وصلت الفوج بلـغ كحيـلان
ياجعل ابو خالد على العز فـي زود=الله يجيره من حسـد كـل شيطـان
هو سيفنا اللي حزه الضيق مجـرود=ودرع يضم الجوف إلي حد الأمتـان
مقدم بني هاجر على كـل مـارود=شيخ ولد شيخ على راس شيخـان
يامير سامحني ترى الوقت محـدود=يا شوق صافي الخد مدعوج الأعيان
بنت الامير اللي لها الطيب مرسـود=ومن الشرف تلبس هـلال وتيجـان
وانت كفو يازبن من جاك مضهـود=زبن الدخيل اللي من الحمل بلشـان
مبروك لك شيخ على الشيخ مالـود=جعله على عزاً ويرفع لـه الشـأن
من موكر في سابق الوقت مشهـود=خيالـة الهـدلاً طويليـن ليـمـان
ومني سلام عد مـا ذعـذع النـود=وماغردالقمري على روس الأغصان
وتحيـه تعطـى تشاكـيـل وورود=ومسك مـع العنبـر ورد وريحـان

راشد اللقماني