سحاب نشا عقب العشى طايش ماشي=قريب بعيد ماه ماهوب يناشي
على الحره السودا تقافت مخاييله=برق بارقه ونهل ما به على ماشي
على ديرة من مرها ما قعد فيها=يجيها بليل ولاصبح الصبح ينحاشي
على ديرة ماهيب الاجواد تنزلها=نباته هيام ومن كلا منه ماعاشي
اشوفه وغيري ناس واجد يشوفونه=رعد فوقها وامطر ولاكنه سواشي
ولاهوب صيف ولا بوسم على حله=ولا يروي اللي جوه مضمين وعطاشي
عسى الله يغيث اللي رجا ناشي غيره=مهل معل مسقي كل من ناشي
مغيم مديم محيي كل من وطا=تكاشف بروقه فيه همال ورشاشي
انا قلت هذا لجل هذا وحدني=على القول شي حرق العقل والجاشي
اهوم العلا واحب تشريفة العلا=وعدي برجم فيه خفاق الارواشي
تهيضت في راسه وبينت ما خفى=وصرف بيوت جبتها ما خلطهاشي
عزوم جزوم وادفع الهم بالنجم=وعلاف العلوم ولا تكلمت ماخاشي
وباري هل العادات والصدق والوفى=عزيز وعز النفس من رشوة الراشي
ثنى الله على من يستحق الطيب والثنى=مهوب راس ظبي ما يعين به عراشي
كريم نديم وافيات خصايله=عفيف نظيف عرضه ابيض من الشاشي
رفيق وثيق رفقتي له على النقى=يحوش الشرف والمدح ماعاد خلاشي
عسى كل ما رحنا وجينا نعينه=ربيع لنا لاحاشنا من الوقت حواشي
ابو بندر اللي ما تعدد فضايله=ولد فيصل اللي له يخضعون الابواشي
انا تم قولي فيه بصلاة على النبي=عدد من يقيم وعد من راح طراشي