ما لي من الاصحاب غير البطاقة = هي صاحبي لا كملوا كل الاصحاب
يا مل قلب فعل الامجاد شاقه = فعل الرجال اللي يفكون الانشاب
لا خانوا الانذال عهد الصداقة = ترسي اليا من سكروا دونك الباب
لا تطلب المعروف من عند عاقة = لحتجت له يبديلك اعذار واسباب
ولحتاجك ياتي بود ولباقه = يصير عندك من قريبين الاقراب
ولحتجت له ايقول يالله فراقه = ذا المعرفه صارت غرابيل وانشاب
مثل الشراب اللي هماج مذاقه = واذا بدا اللازم عن الازمه غاب
اقطع مع شرواه كل العلاقه = لو هو قريبٍ عده حساب الاجناب
واستثني اهل المجد ربع ورفاقه = من الناس لو انهم بعيدين واجناب
اللي يعشقون المراجل اعشاقه = سجل لهم في المجد صفحات واكتاب
وغير الصحيح اتخون ربطة احلاقه = ولا ينبني بيتٍ وهو ماله اطناب
واختم الموضوع حيث انطلاقه = بطول المعنى وانا القاف ما شاب

راشد اللقماني