الله من قلب وليه على الجوف = محبته بين الضلوع يحملها
ديرة بني عم لها الاسم معروف = وتاريخها الماضي يجدد سملها
دار بها الخواف يأمن من الخوف = لو المصايب فوقه متنه نقلها
يصبح طريده بالتكاليف مكلوف = ويخلي العوجا ويركب سهلها
وبالعصر الأول يوم حايف ومحيوف = في دفرها يصبح سليم هملها
ترعى بشيخان وسلفان وسيوف = هواجر تذري ويدري زعلها
ولشوشو بين العرب كل ملقوف = وناس تحكم شرها من جهلها
رماية للشيخ وجنوده اتشوف = باسمه اتسمى النقره اللي نزلها
كم فارس تصفيق له البيض بكفوف = راحت به الضبعة إلى قصى دحلها
وصلاة ربي عد ما هل شفشوف = على نبي سنة الله فعلها

راشد اللقماني