هييه انت يا اللي معترضني في الحكي غلطان=توقع خبرة المارج لكم لا تنزلق فيهــا
على وضح النقا نمشي مماشي ما مشاها فلان=وعلى ذب الخرايم متعب رجلي ومحفيها
يبي يلعب علي ما درى اني مدوخ الخبلان=انعرف البندق اللي لا رمت زمة براعيها
اذا انت تدعي القيفان انا من بحرها رويان=ولا هي بكايدة لامن بغيناها نغنيـــها
واذا انك شايف نفسك تعوذ من بلا الشيطان=ترى عيال النسا كم اخلفت ناس بهقاويها
يقولون احفر الماء تكثر الورد على المعطان=وقالوا دمدم الماء تسلم الورد وبلاويهــا
واذا انك جاهل انشد كبير شايب فهمـــان=يعلمك العلوم اللي مضت ان كان تبغيهــا
واذا انك راكب راسك نصيحه سم بالرحمـن=فعايلنا وروث جدود مستوره مبانيهــــا
نعز الجار ونزبن دخيل ونكرم الضيفـــان=على حياض المنايا وردنا وردة ضواميهــا
هواجر من بني ضيغم عبيده والنسب قحطان=مراسيل لملك الموت يامرها وينهيهــــا
نزلنا في الجنوب ونجد برجال وقنا وسنـان=على قب المهار اللي المنايا في نواصيهــا
بشلف يدفقن الدم رعينا عشبهــا لازان=نزلناها ليا هابت كثير الخلق تاتيهـــــا
نزلنا في خشيم الذيب والصافي مع ذاقـان=رعينا المرزمه ويا المريبخ مع علاويهــا
خذينا صلحة الديره وراسه بجارعة للحان=ويوم شحة الديره تركناها لهاليهـــــا
وخلفنا تواريخ وعدود مع قصص فرسـان=على رسم الحقائق ثابته لا ما نخفيهـــا
وبدلنا الديار بدار بقوم كلهم فرســــان=قصاصيب الفنا عوق الخصيم اللي يعاديهـا
وخسرنا مع هل الديره ورعينا عودها ريان=ورسمنا لنا دار لعل الوسم ياتيهـــــا
شمال من الحسا دار الوفا والعرف والظفران=ديار اللابة اللي كم عجز منهو يباريهــا
هذولا هم بني عمي بني هاجر هل السلطان=يبي يقصر قليل العرف لا لا ما يداريهــا
توقع يا قليل الفود جعلك فدوة الظفــران=فعايلهم وروث جدود مشيوده مبانيهـــا

راشد اللقماني