مرني زولن مليحن وشوقني شقا = مرني ممشاه برفوق ما فيه طفقه
فز قلبي يوم عرض لزوله واشتقا = من جماله تل قلبي معاه وعلقه
شبك اسلوك المحبه وحنا اول لقا = واللقا ما غير لحظات والقلب اسرقه
والشعر الاشقر يجي بيني وبينه تقا = كل ما غطا جبينه بكفه يفهقه
كن خده برق نون تشعشع واشرقا = بعد ما حن الرعد فيه وانهل اودقه
ذكر المشتاق حبن على وضح النقا = يوم باب الحب ماكل من جاه طرقه
واستعاد القلب ذكرا زمانن مابقا = منه كود ارسوم واعلوم وده واشفقه
واهله اهل الصنف والذوق بالطيب اصدقا = سدهم مصيون ما منهم اللي ينطقه
الهوى له سر بين الملا ماينطقا = يحفظونه في صدورن عليه مغلقه
قبل يعبث فيه ناسن من الناس طفقا = عشقهم فالسوق والرقم يحذف بورقه
احد منهم لا لقا يفتضح باللي لقا =واحد منهم يصطنع له علوم ملفقه
شوهوا سلم الهوى كل طيرن ابرقا = والهوى من دونهم صك بابه واغلقه
و بعد ذا شفي من الشعر قافن منتقا = الكلام اللي كثير العوارف تعشقه
قلت اباسند على شاعرن فيه اهقا = وزملانا فالشعر كلهم فيهم ثقه
وبعض منهم قالوا القاف هذا مغلقا = خاف تحرج فيه من لايصخر منطقه
والشعر بحرن وكم طاح فالبحر اغرقا = يصطفق موجه ومن لفه الموج اغرقه

راشد اللقماني