لا هاضت الافكار بطلت الابواب = بيبان صدر من هجوس تلوبة
من هاجس يسري مع كل هباب = بين الضماير كاثرات دروبة
ولي محرك هاجسي بعض الاسباب = وافعال رجالٍ عليه محسوبة
خاوى حداديق البحر عكف الاشناب = تراودوا في رأيهم وشملوبة
الوف قاضينه على حد مشعاب = من فوق طرادٍ تلاوح جنوبة
حطوا مع العزبه قراقير وحراب = وحطولهم غزلٍ وكوفه ودوبة
وصلوا محلٍ فيه الاسماك هراب = وطاحوا لهم في سبيطي وحقلوبة
قالوا له القرقور ما عنة مجناب = وحدوه للقرقور لين اعثروبة
يوم ارجعوا لا الميد لسيف منساب = وضيع بقايا لوف يوم التهوبة
نهيت ابو فرحان لا شك ما تاب = طاوع حداديق البحر والعبوبة
يا حيف يا اللي للعلا دوم طلاب = يا كاسب العليا ولاشن يشوبة
يا كاسب العليا والطيب كساب = وكل المكارم تتجه دوم صوبة
لاحلت اوقوت الملازيم ما غاب = له موقفٍ كل المعارف حكوبة
من ساس شجعانٍ عريبين الانساب = خوالدٍ على اعداها عقوبة
يا ابو فهد لسهيل شهرين بحساب = وينقل عريض في المقيظ اعتنوبة
له عاتقٍ يشبه كما عاتق الداب = لا هاز للصيده خذا من سلوبة
وجهة عليه من الزعل زود وغضاب = وجه العديم اللي الرخوم غدروبة
لا من سمر بالطلع في راس مرقاب = في خايع هل الغنم ما رعوبة
تل السبوق وراح يرقا للجناب = ينطح هواء كوسٍ تزايد هبوبة
حول عليها ولشها براس مخلاب = قامت تدربا والجميع احضبوبة
كل يبي العلمه ولا جالة نصاب = شق الدواقر والعروق معطوبة
من فرستة ياتي على كفوفة خطاب = قاني كما حناً بيمناً مخطوبة
راعية ما وداة لسوق جلاب = ولا ذكر يوم فيه ودي جلوبة
وزانت سوالفنا ولنار شباب = جمر الغضا قام يتلعب شبوبة
وصفن لها دلال نظيفات وعذاب = وبراد جمريا لذوقة عذوبة
فنجالها يبعد خوى كل شراب = يبعد خوى راسٍ لحزة شروبة
في وسط روضٍ ريح عشبة له أطياب = قد سال من نو الاحيمر خبوبة
هذي طراة العمر والوقت لا طالب = طابت به نفوس الرجال الرحوبة

راشد اللقماني