اضيق لامن قلت لي مسألة وقت= ومن بعدها يحلى معاك التلاقي
ساق القدم وصلي وانا للقدم سقت= وانته كسرت من الجفا عظم ساقي
وراحت ثلاث شهور من يوم فارقت= وقلبي مَعَ أيام الزمن في سباقي
ياما من الاعذار والكذب لفقت= ومن كذبتك قلبي فلا عاد طاقي
اشغلت تفكيري وللخافق اقلقت= وحلم المحبه ما بقى له بواقي
لعبت بأعصابي وللهم عانقت= وكنت احسبك حسّاس وانسان راقي
انشهد أني في غرامك توهقت= في ما مضى واليوم مات اشتياقي
والحمدلله يوم انا فيك برّقت= وبانت حقيقة ما كساه النفاقي
لو كان شوقك مثل شوقي ليا اشتقت= ان كان ما يكفيك لحظة عناقي
ولو كان ذقت من الغلا مثل ما ذقت= ان كان ما ينسيك طعم المذاقي
ولو كان لامن ضقت من ضيقتي ضقت = والله فلا يطري عليك الفراقي
لكن خلاص اليوم للحب طلقت= ومن خاطري عفتك علي الطلاقي
عسى فؤادك يحترق مثل ما احرقت= قلب ٍ نكرته عقب حب ووفاقي

راشد اللقماني