كل القـصايد ماتـحـقـق مـرامـه=إللي غـلاه بـداخـلـي مـستـحـلـه
جتني مراسيله وجـاني سلامـه=يـاطــارشـي بــلــغ سلامي وقـلـه
قله ترى شاعرك كثر اهتمامه= مـشغول باله والحزن مـسـتـقـله
يعانق غيابك ويشكي هيـامــه=ومـن الـتـعب بـانت ثمانين عـلـه
يساهـر الليل الطويل وظلامـه=والـحال ما من حال من مـا حصله
يكتب مع التفكير قصة غرامـه=من شان مـا ينسى تـواصيف خله
إللي مع الخفرات ما حدن مقامه=حسين عـود وجـامـع الـزيـن كـله
يكفي دلاله ورقـتـه وحـترامــه=ويكفي الـدلع لبا الدلع ماتمله
شفت الأمل في ضحكته وبتسامه=ومـلامـحـه تبقى مـع وصف دله
غرنوقة ٍ تقضي على كـل هـامه=مـن شـافـها عقله غـدا فيه خـله
بين الـعـذارى نظـرته لـلزعامه=تاج الجمال إللي هواء القلب تله
روحي وفـكـري كلها بـسـتـلامـه=والـقـلـب سوره والـوفاء منزل له
كل القصايد مـاتـحـقـق مـرامه=إللي غــلاه بـداخـلي مـستـحـلـه