هذه القصيده لـ الشاعر / مطلق بن ناصر ال طايع

بعد وفاة اخوانه الثلاثه ( فالح وعايد ومطيع ) ووالديه


آه من حـر المفـارق وبـ/ اقـول آه وآه
ليه ما اقول آه قلت آه مـن فـوق الخشـم

يا جماعه ويش بيـد الحزيـن الا ابكـاه
اعذروني دمعة العيـن تطفـي نـار الـم

ما يصير الغالي يـروح مـا يثـر غـلاه
كان دمعاتي هزيمـه فـ/ فرقـاه اتهـزم

ابكي اللي حثل الاجواد ماهمـب اجلسـاه
اجلساه اللـي تـروم المراجـل والشيـم

ابكي اللي يقـرى اقـره وتقـدى اريـاه
جيّـد ٍ يمنـاه تفـعـل وقلـبـه يفتـهـم

ابكي اللي ما خضع للغنـي لجـل الغنـاه
والردي مـا يحترمـه إحتـرام المحتـرم

ابكي اللي ما يدقـر السانـه فـي جمـاه
في المنازع بين الاخصام بـ/ كبار الخصم

وانت يا اللي ما تصدق ولده اللـي رثـاه
انشد اللـي ذي مزايـاه ويقنعـك ابنعـم

وانت يا اللي ميزتك ميزته وامن اصحبـاه
كنت ابن عم ٍوذلحيـن عـم ٍ وابـن عـم

وانت يا اللي فيك هنه وونه إمـن اعـداه
لا تحلوالي ولا لـك علـى كبـدي طعـم

الله اكبـر ليـه سوابـي الله ذا الـسـواه
قلتهـا واستغفـر الله كنـي قلـت اثــم

كم وكـم فجعـه تكليتهـا فـوق الحيـاه
كم وكم ودعت غالـي وكـم دمعـه وكـم

كم وكم زاروني الناس فـي حالـة وفـاه
كـم وكـم فاجيـت بالتعزيـه لحـم ٍ ودم

كم وكم جاة الوصيه مع اشهـود الوصـاه
كم وكـم قالـو تجبـر بمـا ربـك قسـم

كم وكم سابقت الاول من اصفوف الصلاه
كم وكم لخالف الصف خلف / اقـدم قـدم

كم وكم خاويت الاسعاف من شان اخويـاه
كم وكم حولت في القبـر يرتعـش القـدم

لو قلبي من حديده وكبـدي مـن حصـاه
كيف للـزاد اتنفـذ ولـ/ النـاس ابتسـم

شانت الدنيا ولا عـاد فـ/ الدنيـا طـراه
حين ودعـت الثلاثـه وودعـت اب وام

لا اله الا انت عطفـك ولطفـك يـا إلـه
عوض الموتان جنـه وعوضنـي عـزم

يا كريم امهل على اللي بقى واحسن عزاه
واعفني من ما تبقى عطـا منـك وكـرم