اليكم هذه اقصيده الرائعه في الديك
اللي كان يقوم راعيه على صلاة الفجر لين تسلط
عليه القطو الاقشر
القصيده قالها الراوي الكبير/محمد الشرهان حصلت عليها في احد المنتديات
واعجبتني وقلت لازم اقعد لها على ركبه ونص واكتبها كلها
وهذا انا من اليوم الله لايوريك بس عيوني في الكيبورد لين كتبتها


لـي ديـك ظبـطٍٍ توقيتـه
يوعـي النايـم تصويـتـه
لـولا طيبـه ماشريـتـه
بريـال وقـرش الـدلالـي



لاكن ممـدوح لـي طيبـه
ترتيبـه ساعـه ترتيـبـه
لولا اذانـه ويـش ابيبـه
ماني بـب سـن الجهالـي



اذانـه بالحيـل كـويـس
يـذن علـى اذان الريـس
وانا اجـزم مانـي باقْيـس
انـه ارخيـصٍٍ بريـالـي



مكبر حظك ياللـي حاشـه
ينـام امريـحٍٍ بفـراشـه
لـو مامليـت الخـراشـه
يواعـيـك اذان التـالـي



يعجب من شافـه بنقوشـه
والغلبـه فوقـه منقوشـه
والنصبه كـب الطربوشـه
والرجل بحجـر السروالـي




عرفه افرق ماهـو بلـدم
لاكنـه مصبـوغٍٍ بـالـدم
يصدم بالهوش ولا يصـدم
من ناظر هوشـه يهتالـي




عجيـن الحنطـه ماكولـه
مع ماحصل من محصولـه
الحكـي كثـره وشـولـه
ياكل مـع بنتـي وعيالـي




من غليْه عنـدي عززتـه
ب اربع فرخاتـن جوزتـه
كنـي سلطـانٍٍ منحـزتـه
القصد انـه عنـدي غالـي




اثـر الجيـران احسدونـي
على ديكـي زيـن اللونـي
قالو نرسـل لـه بزونـي
وزفٍٍ باالـدرب وختـالـي



وانـا ياغافـل لــك الله
مـدري بخيانـة خلـق الله
ما هوجس بـه قلبـي والله
آآمن ولا هي فـي بالـي



اثـر الدنـيـا عابيتـلـه
تبـرْم للـديـك وتفتـلـه
ماهـي للديـك آآويتـلـه
ماهـو بـأول ولا تـالـي



يـوم الله دبــر مـاكـان
صيٍْـف ديكـي بــالاذان
قحص مربـوش وعجـلان
قلبه مـن ضيفـه يجتالـي



بيْين راسه هـو وحنوكـه
وأيلين الفرجـه مفكوكـه
على افم الكيسـه متكوكـه
بف ام البـزوون الخيالـي




واصهل با اذنـه مايـدري
ان الحقه حـطت خبـري
وافقع ظاروبـه بالبخبـري
والا انه من راسـه خالـي



بلمـنـاره اول صـوتــه
والتالي في بطـن الحوتـه
توحي في بطنـه زغروتـه
يلـوي بالغبـه ويـلالـي




راس الريس صار اضحوكه
عليه البـس اقفـل بوكـه
مافكه طوعـه وانسوكـه
من سيف القـوم القتالـي




حـدا زوجاتـه حستـبـه
لاكـن موتـه مادريتـبـه
قالت ياختي زوجك وش به
يرقص تسنه فيـه هبالـي




قالت يلعب لعـب العرضـه
او ينفض بشته في ارضـه
ولا الريس يقضي فرضـه
لاوالله طــاح الرجـالـي




جت يمـه قالـت لابـاس
وراك نـيـمٍٍ بـالـسـاس
ياخـواتـي مـالـه راس
ويـن ارويسـه واعزالـي




صاحت مـن ذا فنـه فنـه
واعقلهـن قالـت غطنـه
وأدعـن للميـت بالجنـه
عمر الشمس وفيٍييْه زالـي



انـا قاعـد عنـد دلالـي
واليا حس اصيـاح عيالـي
واقحص واصبخ بالفنجالـي
عجلـن مذعـورٍٍٍٍ مهتالـي



وانا مدري ويـش القصـه
ضنيت السـارق بالجصـه
اخذت الشووم ابـا اللصـه
وادوس ابطنـه بنعـالـي



ثبْـت ثـبْـت ياصـيـاح
جـاك مبنـدق يارمممْـاح
ترا نصف الحـرب افـراح
اخشى مـن شـيٍٍ بعيالـي




يـوم انـي قربـت اللجـه
قلت انبوني ويش الهرجـه
والآ هم عني فـي سجـه
يبكـون بدمـعٍٍ همـالـي




قلت اعيالـي وش مبليهـم
اللـي فيهـم مـلا فيهـم
قالـوا هـود لاتوذيـهـ
متزيـد الويـل بولـوالـي




بسٍٍ غـال الديـك الغـدوه
مزع راسه بـأول عـدوه
قلـت انـه لعيالـي فـدوه
وسليْم هـو راس المالـي




وناديـت سليـم ومنـيـره
وشرطتلهـم علـى نيـره
قلت الديك ابشـري غيـره
هـذاي مـوصٍٍ يشرالـي




و أقفو من عندي مرضيهم
والشـرط الجيـد بيديهـم
لولا ان المولـى هاديهـم
ماارضاهم شرطي واقوالي




عسـا الخاسـي تعرفونـه
هـو بـزونٍٍ او بـزونـه
وش كبر الهـر وشلونـه
نبي فـي ذبحـه نحتالـي




قالـو بالبيـاض امحجـل
جب راسه لـسليـم عجـل
تلقـاه بطايتـنـا يهـجـل
اسرع مـن راع الخيالـي




قــال سلـيـم يابـابـاه
شب البنـدق فـي علبـاه
دام السرقـه فـي مخبـاه
تشهد عـن لـوم العذالـي





عبيت البندق مـن حينـي
قلت ان جاء صيرو صاحيني
واثـره بالصفـه يوحينـي
من صبحـه فيهـا نزالـي




يوم انـي هجيـت اللبابـي
كشـر بـأنيابـه حرابـي
واخـشْ البنـدق بثيـابـي
لين الدومي صـار اقبالـي




بالثـاري ياديـك سلـيـم
تسرق وتقابل يـد غيييـم
طخيتـه واليـاه ام خييـم
شروا سـن الدلـو البالـي





لـو انـه راعـا للجيـره
كان احسنا معـه السيـره
لاكنـه شعبـث بالـديـره
بـأول هـده دمـه سالـي




تمت واختـام المربوعـي
صـلاة الله كـل اسبوعـي
على اللي دينـه متبوعـي
مانـاض البـرق الهمالـي