ما كنت أظن الحب ياتي و ينسـاق
خلف الغياب اللي حفر لـي قبـوره
إلين شفت الحرف مخنوق بأشـواق
مع أول أيـام الغيـاب و شهـوره
غبتي و فكيتـي معاقيـد الأوثـاق
و أنا إلتمست العذر ، قلت مْعـذوره
أثر العذر لالقلب يـا زيـن حـرّاق
و الشوق عندي واصلٍ حد طـوره !
أسابق العبـره و أناديـك مشتـاق
روفي بقلبي يـا هنـاه و سـروره
خوفي يغير الحزن و الحزن سـرّاق
و أنا الذي متعـوذٍ مـن شـروره
حبّك تمسك بالغلا مسـك الأعنـاق
و الكل منهم غـارقٍ فـي بحـوره
الوصل قوت الحب و يبـل الأريـاق
مدري متى وصلك يترجم حضوره ؟!
يا كثر ما سطّرت و أشبعت الأذواق
و يا كثر ما قلتِ : بشعرك فخـوره
توصيف زينك دوم ف القاف سبّـاق
يَ الفاتنه يَ الطاهـره يَ الغيـوره
كتبتـك بجـزل المعانـي بمـا لاق
إبداع و الإبـداع واضـح سطـوره
شمس الصباح تبادلك نور الإشراق
من وجهك اللي طاغيٍ فيـه نـوره
ليلك و زينه بعد تسكيـر الأحـداق
كلٍ يشوفـه قبـل يشهـد ظهـوره
الذوق متناسق في كلّك ، و الأخلاق
تشرح صدر مغليك و إتزين أمـوره
صحيح لازلنـا حبايـب و عشـاق
لكنّ هذا البُعد مشتد جـووووره !!
ما لـ المساء داعي ولا مِنه مصلوح
و أوضاعنا فِ البُعد مو مستتِبّه ..
بُعد الحبايب ينتج ألآآم و جروُح
و أقسى البعاد اللي يجي دون سبّه .. !
-2- [ كم سؤال.. وكم سؤال ؟؟ ] لـ الشاعر / جابر بن علوش 
مابقا لـ الشوق في قلبي .. مجال ،
ومابقا لـ الهم في صدري .. سعه
ضاق كوني من كبر خيبت الآمال ،
وضاقت ارضي بـ الجهات الاربعه
والسبب غالي قطع وانهى الوصال ،
ولـ الهجر مدري وش اللي يدفعه ؟
ماعلى قدره .. نقاش ولاجدال ،
ومن تحاكى فيه ماني بسمعه .. !
كاملٍ عندي ولـ الله الكمال ،
والغلا فطره .. كذا ماتصنعه
ومن يلوم القلب جعله لـ الزوال
وش يبي له في سنع ماهو سنعه
كيف ابنسى دام لي قلب وخيال ؟
وكيف ابسلى دام روحي تتبعه ؟
وكيف ابصبر والصبر صعب ومحال ؟
وكيف ابفرح والفرح .. قفا معه ؟
كم سؤال وكم سؤال وكم سؤال ،
ولـ الآسف ما به اجابه .. مقنعه .. !
-3-
[right] [ حبل الوصــل ..! ]
لـ الشاعر / ثامر الماجد
مدخل :
الأمل لا تحسبه ضمن - المُحـال
ولو حسبته طحت مثلي وأنهدمت
المُهم إنك تحبـــه - والجـدال
ينتهـي لا صرت بالفرقا ظُلمـت
صعبه نكون أثنينا - حلم ياوقت
وصعبه أعد الوقت عد الثـواني
أحتاجك أكثر يا زمن ليه فرقت
ضحكة مدينة وأبتسامة مبـاني
بعد الوداع اشتقت لك حيل وأشتقت
وصرت أتضايق لا سمعت الأغاني
هذا طريقي لو مشيته ترا ضقت
شي ٍ غريب يعيش وسط المحاني
حبل الوصل لو كان بـ إيدي تعلقت
فيك ونسيت البُعد وانا بمـكاني
طال الغياب وكل مـ أذكرك صدقت
كذبـاتك البيـضا وقـل الأمـاني
كنت الأمل أوراق بـ إيدك تشققت
كل ما أطير أرجع أطيـح وأعاني
كان الضياع أمغربك ليه ما أشرقت
مدام أشوفك شمس تبكي المواني
يا صاحبي ما عاد أبكي اليا ضقـت
لني عرفتك مـ أنت مثلي تعانـي
مخرج :
لا تخاف من الشعور
إللي حبك يرفض الوان الغياب
حتى لو كانت ظروف
وهو يشوف
" إنك أولى من يعيش بـ هالفؤاد "
« آخـــر الــمــواضــيــع »
23-11-2011, 11:43 PM
كــيف أبنسى دام لي قلب وخيال.. 
العرض العادي
