يابايعين الصوت يا مشترينه=ياجعل ماضي يكسب الانتخابات
قرمٍ عسى ربي يطول سنينه=ياجعل يبطي طيب الراس مامات
اللي على ربعه ظلال وسكينه=وينوب عنهم في ثقيل المهمات
يقدمونه يومهم خابرينه=زيزومهم لاصار فالوضع وقفات
سمي شيخٍ يحتمي زابنينه=درع الهواجرفالليال العسيرات
مرحوم ياللي خلفو وا لدينه=شبلٍ يشيل الكايده كل ماجات
ابو علي ما فالهواجر وزينه=في وقتنا الفايت وفي وقتنا الآت
يبكي عليه اللي يراجع سجينه=اللي سجينه حط دونه حراسات
ويبكي عليه اللي نقل حمل دينه=عليه قلبه مزعه بالتنهات
وتبكي عليه البدو واهل المدينه=وجميع من يعرفه حتى الخواجات
جعل البقى في محزمٍ ذاخرينه=ماضي سمي ماضي بكل السجيات
من دون ربعه يحتزم بالسنينه=ومن هيبته يجلس بصدر المنصات
ولاطبقت فوق الدعاوي يمينه=يلغي ملفاتٍ ويفتح ملفات
واليا قدم في لمر فله بحينه=والا يهاب الا بديع السماوات